PERVENIT ad nos quod quedam ęcclesię ac monasteria nostras ac predecessorum nostrorum inmunitates · habentia multa preiudicia ut infestaciones a quibusdam1* paciantur · Et nec per easdem inmunitates ullam defensionis tuitionem · habere ualeant propter hoc quod ab eisdem emunitati temeratoribus2* dicatur · non plus inmunitatis nomine complecti quam claustra monastrii [!] · Cetera quoque quamuis ad easdem ęcclesias uel monasteria pertineant · extra inmunitatem esse · Propter hoc uolumus · ac decernimus · ut omnes intelligant · non solum claustra monastrii [!] · uel ęcclesię atque casticia ecclesiarum sub inmunitatis defensione consistere3* · uerum etiam domos · et uillas · et septa uillarum · et piscatoria · manu facta · et quicquid forsis [!] · et sepibus · aut etiam alio claustrorum genere precingitur eodem inmunitatis nomine contineri · et quicquid intra huiusmodi munimenta ad ius earundem ecclesiarum · uel monasteriorum pertinencia a quolibet homine nocendi · uel dampnum inferendi causa spontanea uoluntate commititur · in hoc facto inmunitas fracta iudicatur · Quod uero in agros · et campos ac siluas · quę sine laborationibus sunt · et nullo modo munitione cinguntur · casu sicut fieri solet a quibuslibet hominibus aliquod dampnum factum fuerit · quamuis idem4* ager · aut campus · aut silua · ad ęcclesiam · uel monasterium · preceptum inmunitatis habentem pertineat · non tamen in hoc inmunitas fracta iudicanda est · et ideo non sexcentorum solidorum compositionem · sed secundum legem que in eodem5* loco tenetur · is multandus est · qui scandalum uel dampnum · in tali loco fecisse conuictus fuerit ·  

Qui subdiaconum occiderit · CCC · solidis componatur · qui diaconum · CCCC · componatur · qui presbiterum · DC · componatur · qui episcopum · DCCCC · qui monachum · CCCC · solidis componatur · Item de eodem · Si quis in inmunitate dampnum aliquod fecerit · DC6* · solidis componatur · Si autem homo furtum · uel homicidium · uel quodlibet crimen foris committens infra inmunitatem fugerit mandet comes uel episcopo · uel abbati · uel uicedomino · uel illi quicumque locum episcopi aut abbatis tenurit [!] ut reddat illi reum · Si illi contradixerint et eum reddere noluerint · in prima condicione solidis XII · culpabilis iudicetur · Si ad secundam inquisitionem eum reddere noluerint · XXX · solidis culpabilis iudicetur · Si nec ad terciam inquisicionem consentire noluerit · quicquod [!] reus dampni fecerat · totum ille qui eum infra munitatem redinet [!] · nec reddere uult soluere cogatur · et ipse comes ueniens licentiam habeat · ipsum hominem in inmunitate querendi ubicumque inuenire potuerit · Si autem in prima inquisitione comiti responsum fuerit quod reus infra7* inmunitatem quidem fuisset · sed fuga lapsus sit iuret quod ipse8* eum ad iusticiam cuiuslibet disfaciendam fugere non fecisset · et sit ei in hoc satisfactum · [fol. 40r] Si autem intranti comiti9* in munitatem collecta manu quislibet resistere temptauerit · comes hoc ad regem uel ad principem defferat ibique iudicetur · ut sicut ille qui in munitate dampnum fecit10* · DC · componere debeat ita ut qui comiti collecta manu resistere temptauerit11* sexingentorum solidorum culpabilis iudicetur · Si quis autem ex leui causa · aut sine causa hominem in ęcclesia interfecerit · de uita componat · si vero foris rixati fuerit · et unus alterum in ęcclesiam fugerit · et ibi se defendo [!] eum interfecerit · et si huius facti testes non habuerit cum  · XII · coniuratoribus legitimis per sacramentum adfirmet se defendendo eum interfecisse · et post hec solidos · DC · ad partem ęcclesię quam illo homicidio polluerat · et insuper bannum nostrum soluere cogatur .' is vero qui interfectus est · absque compositione iaceat .' ac deinde interfector secundum iudicium canonicum12* congruvm facinori quod admisit penitentiam suscipiat · Si proprius seruvs hoc comiserit · iudicio aque feruentis examinetur utrum hoc sponte · an se defendendo fecerit · et si manus eius exusta fuerit interficiatur · si autem non fuerit · dominus eius iuxta quod werdum illius est ad ęcclesiam persolluat · aut eum si uoluerit eidem ęcclesię tradat · Dę ecclesiastico seruo et fiscalino et beneficario [!] uolumus · ut pro una uice werdum eius pro eo componatur · altera uice ipse seruvs ad suplicium tradatur · Hereditas tamen liberi hominis qui propter tale facinus ad mortem fuerit diudacatus [!] · ad legitimos heredes illius perueniat · Si in atrio ęcclesię13* cuius porta reliquiis sanctorum consecrata est · huiuscemodo [!] homicidium perpetratum fuerit simili modo emendetur · uel componatur · Si vero porta ęcclesię non est consecrata · eo modo componatur · quod in atrio committitur sicut componi debet · quod in munitate violata committitur · Sanguuinis [!] effusio in ęcclesia facta cum fuste · si presbiter† fuerit triplo componatur · duas partes eidem presbitero · terciam pro fedo [!] ad ęcclesiam et insuper bannus noster · Similiter de diacono iuxta compositionem eius in triplo cum banno nostro componatur · De subdiacono similiter in triplo secundum suam compositionem · et de uniuscuiusque ordinis clerico secundum suam compositionem triplum persoluatur · et bannus noster · Similiter et de ictu sine sanguinis effusione de uniuscuiusque ordinis [fol. 40v] clerico secundum suam compositionem triplo · et bannus noster · Et qui non habet unde ad ęcclesiam persoluat · tradat se in seruicium eidem ęcclesię · usque dum totum debitum persoluat ·